紹介
基本紹介
白話字
台語Pe̍h-ōe-jī（白話字）是台語頭1 ê正寫法（chèng-siá-hoat，orthography），也就是完整、標準化ê書寫系統（writing system）。
受19世紀基督教新教影響，世間文字得tio̍h大發展，台灣也無lia̍h外。1865年英國長老教會宣教師來台灣，教台灣人學白話字。1970年馬雅各批信有寫講，tī打狗內門木柵教查某人學白話字，1日學6點鐘久。（資料來源：白話字的起源與在台灣的發展（陳慕真教授論文））
1885年發行台灣頭1份報紙「Tâi-oân Hú-siâⁿ Kàu-hōe Pò（台灣府城教會報）」（taⁿ改名做「台灣教會公報」）了後，白話字藉教會kap媒體傳播ê力量，得tio̍h發展ê機會。其他民間組織像「台灣文化協會」、「霧峰一新會」等等mā有chhui-sak beh全面tek普及化。
台語文學發展史資料庫（台灣文學館）內底寫講：「巴克禮創辦白話字報紙《Tâi-oân Hú-siâⁿ Kàu-hōe-pò》（台灣府城教會報），稱台灣新文學ê起點。」
白話字文獻是台語文獻內底數量上chē--ê，時間ùi清國時代到戰後，siáⁿ-mih款ê內容、文類lóng有。而且使用者真chē是一般社會大眾，m̄是文人。除了報紙，也有真chē作品、冊出版。
因為日本時代殖民者禁止咱發展ka-tī ê文字，戰後中華民國時代有全民義務教育了後，到taⁿ mā是殖民語文做教育主體，長期禁止、打壓白話字。所致，一般社會大眾根本m̄知影台語有文字、有文獻。
入門參考資料
影片
- 漢字之外—台語「白話字」ê世界／陳慕真
- 台語白話字是台灣新文學ê開基祖／蔣為文
- 台語白話字作家kap作品導讀／蔣為文
- 日本時代ê台語白話字文獻kap文學／陳慕真
- 戰後台語白話字文獻kap文學／陳慕真
- 戰後台語白話字ê文學發展／蔣為文
冊
- 探索台語白話字的故事（台灣文學館）
- 台語白話字文學選集（台灣文學館）
- 台灣文學ê金璇石──1920年進前台語白話字文學經典文選（成功大學台灣語文測驗中心）
- 白話字的起源與在台灣的發展（陳慕真教授論文）